Skólahverfi Skólahverfi Hvaleyrarskóla markast af Hvaleyrarbraut, Ásbraut og Reykjanesbraut inn að álveri. Börn hafa forgang í þann hverfisskóla þar sem þau eiga lögheimili en hægt er að sækja um skólavist í öðrum skólum. Sjá nánar um innritun í grunnskóla. Einkunnarorð Einkunnarorð Hvaleyrarskóla eru: Kurteisi – Ábyrgð – Samvinna. Markviss málörvun er eitt af sérkennum skólans. Í markvissri málörvun læra nemendur framkomu og framsögn, að mynda sér skoðanir, rökstyðja þær og geta tjáð sig fyrir framan hóp af fólki. Skólabragur SMT skólafærni er ein af áherslum Hvaleyrarskóla. Í því felst að lögð er áhersla á að styrkja jákvæða hegðun nemenda, efla og bæta samskipti innan skólans. Markmið SMT er að skapa gott andrúmsloft í skólum og tryggja öryggi og velferð nemenda og starfsfólks. Áhersla er á að koma í veg fyrir og draga úr óæskilegri hegðun nemenda með því að kenna og þjálfa félagsfærni, gefa jákvæðri hegðun gaum með markvissum hætti og samræma viðbrögð starfsfólks gagnvart nemendum sem sýna óæskilega hegðun. Skólamerki Skólamerkið sýnir þrjár hendur kennara, barna og foreldra sem mynda þétt handtak til merkis um öflugt, traust og jákvætt samstarf heimila og skólans. Stjórnendur í Hvaleyrarskóla Skólastjóri er æðsti stjórnandi skólans og faglegur leiðtogi. Skólastjóri: Kristinn Guðlaugsson Aðstoðarskólastjóri: Vala Stefánsdóttir Deildarstjóri elstu deildar: Vala Stefánsdóttir Deildarstjóri yngsta- og miðstigs: Steinar Ó. Stephensen Deildarstjóri stoðþjónustu: Berglind Ósk Kristjánsdóttir Deildarstjóri tómstundamiðstöðvar: Margrét Heiða Magnúsdóttir Deildarstjóri Bjargs (þjónusta við nemendur í leit að alþjóðlegri vernd): Friðþjófur Helgi Karlsson UT kennsluráðgjafi: Þórunn Á. Harðardóttir Skrifstofa skólans er opin frá kl. 7:45 á morgnana til kl. 15:00 síðdegis. Á föstudögum lokar skrifstofan kl. 14:00. Skrifstofustjóri skólans eru Þórunn Harðardóttir og ritari skólans er Hrönn Gísladóttir. Símanúmer skólans er 565-0200.
